3000 иргэн Туулын усыг гар дамжуулан Засгийн газарт хүргэлээ

Эх сурвалж Shuud.mn

Монгол Улсын нийслэл Улаанбаатарын хотод оршин суудаг 1.2 сая иргэдийн ундны усны эх үүсвэр болсон Туул голыг хамгаалах зорилготой “Хатан туул ба Цаг хугацаа” аяныг “Ногоон суваг”-аас зохион байгуулсан билээ. Энэхүү аян нь Дэлхийн усны өдрийг тохиолдуулан гурав дахь жилдээ явагдах гэж байна. 2006 онд Засгийн газрын хэрэгжүүлэгч агентлаг Усны газар жил бүрийн 3-р сарын -22 нд Дэлхийн усны өдрийг тэмдэглэж ирсэн бол энэ жил анх удаа олон нийтийн массыг хамарсан “УС БА ОРШИХУЙН ТӨЛӨӨ АЛХАЦГААЯ” уриан дор арга хэмжээг Монголын Ногоон суваг, Усны газартай хамтран зохион байгуулж байна.

Тус арга хэмжээний хүрээнд Туул голын усны дээжийг авч Улаанбаатар хотын төв талбай хүртэлх  3,5 км газарт  3000 хүнээр дамжуулан  туулын усыг  буухиалуулахын хажуугаар туул голыг хамгаалах хууль эрх зүйн орчинтой болоход зориулж 200 мянга гаруй олон нийт саналын хуудсыг  тус арга хэмжээний үеэр хамтад нь БОАЖЯ- сайд Д.Цогтбаатар болон Нийслэлийн засаг дарга Г.Мөнхбаяр нарт туулын усыг ёсчлон гардууллаа.

Тус арга хэмжээний онцлого нь сүүлийн үеийн дэлхийн эрдэмтэдийн судалсан усны хомсдолын тоо баримт болон ирээдүйд учир болох сөрөг үр дагаваруудын талаархи мэдээ мэдээллийг олон нийтэд хоногшуулж, үндэсний хэв маяг, ёс заншил, соёл урлагтай хослуулан өрнүүлж байгаа юм.

Ер нь сүүлийн жилүүдэд хариуцлагатай аж ахуй нэгжүүд нийгмийн хариуцлагаа ухамсарлан байгальд ээлтэй үйл ажиллагаанд оролцож байгаа нь Дэлхий нийтийн өмнө тулгараад байгаа асуудалд хандах хандлага өөрчлөгдөж байгаа нь саашаалтай юм.